चार उद्योगले तिरे ट्रंक र डेडिकेटेड लाइनको बक्यौता

काठमाडौं । नेपाल विद्युत् प्राधिकरणलाई थप चार उद्योगले डेडिकेटेड तथा ट्रंक लाइनबापतको महशुल बक्यौता बुझाएका छन् ।

प्राधिकरणका अनुसार भैरहवा क्षेत्रमा सञ्चालनमा रहेका पञ्चकन्या प्लाष्टिक उद्योग, पञ्चकन्या स्टील इन्डष्ट्रिज, सिद्धार्थ पेटप्लान्ट र श्याम प्लास्टिकले सोमबार बक्यौता रकमको पहिलो किस्ता तिरेका हुन् ।

बक्यौताको पहिलो किस्ता बुझाएसँगै प्राधिकरणले ती उद्योगको विच्छेद गरिएको विद्युत् लाइन पुनः जडान गरेको छ । यी उद्योगहरुले आर्थिक वर्ष २०७२ माघदेखि २०७५ वैशाखसम्मको अवधिमा डेडिकेटेड तथा ट्रंक लाइन प्रयोगबापतको प्रिमियम महसुल तिर्न बाँकी राखेका थिए ।

प्राधिकरणका अनुसार पञ्चकन्या प्लाष्टिकको रु. २४ लाख ६३ हजार, पञ्चकन्या स्टीलको रु. ५२ लाख १९ हजार, सिद्धार्थ पेटप्लान्टको रु. १ करोड ८३ लाख र श्याम प्लास्टिकको रु. ४९ लाख १० हजार बक्यौता रहेको छ ।

यी उद्योगहरुले बक्यौतालाई २८ किस्तामा विभाजन गरी तिर्न सहमति जनाएका छन् र पहिलो किस्ता बुझाइसकेका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन