गुल्मीमा एकीकृत विकास योजना छनोटसम्बन्धी अन्तरक्रिया सम्पन्न

गुल्मी, वैशाख ७ गते । गुल्मीमा प्रतिनिधिसभा सदस्य र स्थानीय तहका जनप्रतिनिधिहरूसँग एकीकृत विकास योजना छनोटसम्बन्धी अन्तरक्रिया गरिएको छ ।

जिल्ला समन्वय समितिको आयोजनामा सदरमुकाम तम्घासमा भएको कार्यक्रममा प्रतिनिधिसभा सदस्यद्वय सागर ढकाल र गोविन्द पन्थी, स्थानीय तहका जनप्रतिनिधि, राजनीतिक दलका प्रतिनिधि तथा कार्यालय प्रमुखहरूको सहभागिता रहेको थियो ।

अन्तरक्रियामा स्थानीय तहका प्रमुख प्रशासकीय अधिकृतहरूले आ–आफ्ना स्थानीय तहका योजना, लक्ष्य, समस्या तथा दीर्घकालीन रणनीतिसम्बन्धी प्रतिवेदन प्रस्तुत गरेका थिए । सहभागी जनप्रतिनिधिहरूले सेवा प्रवाहमा देखिएका समस्या, कानुनी जटिलता, स्रोत व्यवस्थापन, पूर्वाधार विकास तथा भावी योजनाबारे सुझाव दिएका थिए ।

प्रतिनिधिसभा सदस्य सागर ढकालले विकासलाई पूर्वाधारमा मात्र सीमित नराखी सुशासन, पारदर्शिता र नागरिक सहभागितासँग जोड्नुपर्नेमा जोड दिनुभयो । उहाँले दीर्घकालीन सोचसहित कार्यगत प्रणाली सुधार आवश्यक रहेको बताउनुभयो ।

त्यस्तै प्रतिनिधिसभा सदस्य गोविन्द पन्थीले जिल्लामा पूर्वाधार विकास, सेवा प्रवाहको प्रभावकारिता र स्रोत व्यवस्थापनलाई प्राथमिकतामा राखेर काम गर्नुपर्ने बताउनुभयो । उहाँले स्थानीय तहसँगको समन्वय थप सुदृढ बनाउनुपर्नेमा जोड दिनुभयो ।

जिल्ला समन्वय समिति प्रमुख द्रोण खत्रीका अनुसार सहभागीहरूले गुल्मीको समग्र विकासका लागि नीति निर्माण, प्रभावकारी कार्यान्वयन र अन्तरतह समन्वय अपरिहार्य रहेको निष्कर्ष निकालेका छन् । शिक्षा, स्वास्थ्य, सडक र रोजगारीका क्षेत्रमा ठोस उपलब्धि हासिल गर्न सबै पक्षबीच सहकार्य आवश्यक रहेको निष्कर्षसमेत निकालिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन