![$adHeader[0]['title']](https://bfisnews.com/images/bigyapan/1776181672_1100 x100.gif)
सुनचाँदीको मूल्यमा गिरावट, बुधबार पनि घट्यो दर
- BFIS News
- 2026 Apr 29 12:02
काठमाडौँ । नेपाली बजारमा सुन र चाँदीको मूल्य घट्ने क्रम बुधबार पनि कायम रहेको छ।
पछिल्ला केही दिनदेखि निरन्तर ओरालो लागेको मूल्य यस दिन पनि थप घटेको देखिएको छ।
नेपाल सुनचाँदी व्यवसायी महासंघ का अनुसार बैशाख १६ गते सुनको मूल्य प्रतितोला ३ हजार रुपैयाँले घट्दै २ लाख ९४ हजार ५०० रुपैयाँ कायम भएको छ। अघिल्लो दिन मंगलबार सुन प्रतितोला २ लाख ९७ हजार ५०० रुपैयाँमा कारोबार भएको थियो।
यस्तै, चाँदीको मूल्य पनि घटेको छ। बुधबार चाँदी प्रतितोला ३० रुपैयाँले ओरालो लाग्दै ४ हजार ९१५ रुपैयाँमा कारोबार भइरहेको छ। यसअघि मंगलबार चाँदीको मूल्य प्रतितोला ४ हजार ९४५ रुपैयाँ रहेको थियो।
हाल बजारमा सुनचाँदीको मूल्य क्रमिक रूपमा घट्दै गएको तथ्याङ्कले देखाएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया