नेप्सेमा कालिन्चोक हाइड्रोपावरको पहिलो कारोबार प्रतिकित्ता ३०० रुपैयाँमा

काठमाडौं । कालिन्चोक हाइड्रोपावर लिमिटेड को शेयर कारोबार नेपाल स्टक एक्सचेञ्ज (नेप्से) मा मंगलबारदेखि सुरु भएको छ। कम्पनीको पहिलो कारोबार स्पेशल प्रि–ओपन सेसनमा प्रतिकित्ता ३०० रुपैयाँमा भएको हो।

कम्पनीको कुल ५५ लाख कित्ता शेयर गत जेठ ८ गते नेप्सेमा सूचीकृत भएको थियो। सूचीकृत शेयरमध्ये १३ लाख ७५ हजार कित्ता सर्वसाधारणमा वितरण गरिएको तथा ४१ लाख २५ हजार कित्ता संस्थापक समूहको लगानी रहेको छ।

सूचीकृत भइसकेपछि कम्पनीको पहिलो कारोबार जेठ ११ गते नै हुने अपेक्षा गरिएको थियो। तर, सो दिन स्पेशल प्रि–ओपन सेसनमा खरिद–बिक्री आदेश नमिल्दा कारोबार हुन सकेको थिएन। त्यसपछि मंगलबार पहिलो कारोबार सम्पन्न भएको हो।

नेप्सेले कम्पनीको पहिलो कारोबारका लागि प्रतिकित्ता १०० रुपैयाँदेखि ३०० रुपैयाँसम्मको ओपनिङ रेञ्ज निर्धारण गरेको थियो। सोही रेञ्जअन्तर्गत उच्चतम मूल्यमा पहिलो कारोबार भएको हो।

कम्पनीको शेयर नेप्सेमा ‘केएचपीएल’ टिकर संकेतमार्फत कारोबार भइरहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन