![$adHeader[0]['title']](https://bfisnews.com/images/bigyapan/1776181672_1100 x100.gif)
समस्याग्रस्त चार सहकारीका ऋणीको नामावली सार्वजनिक, ऋण चुक्ता गर्न निर्देशन
- BFIS News
- 2026 May 26 13:01
काठमाडौँ । समस्याग्रस्त सहकारी व्यवस्थापन समितिको कार्यालयले समस्याग्रस्त घोषित चार सहकारी संस्थाका ऋणीहरूको नामावली सार्वजनिक गरेको छ ।
समितिले सोमबार सूचना जारी गर्दै विसं २०८० चैत १९ गते समस्याग्रस्त घोषित भएका घेदुङ्ग बहुउद्देश्यीय सहकारी संस्था लिमिटेड, तपाईँ हाम्रो बहुउद्देश्यीय सहकारी संस्था लिमिटेड, नागरिक कल्याण बहुउद्देश्यीय सहकारी संस्था लिमिटेड र आइडियल यमुना बहुउद्देश्यीय सहकारी संस्था लिमिटेडका ऋणीहरूको विवरण सार्वजनिक गरेको हो ।
समितिका अनुसार उपलब्ध ऋण विवरणका आधारमा ऋणीहरूको नामावली सार्वजनिक गरिएको छ । यसअघि ऋण चुक्ता गरिसकेका भए पनि नामावलीमा नाम समावेश भएका व्यक्तिहरूलाई आवश्यक प्रमाणसहित कार्यालयमा उपस्थित हुन आग्रह गरिएको छ ।
यस्तै, हालसम्म ऋण चुक्ता नगरेका ऋणीलाई यथाशीघ्र बुद्धनगरस्थित समितिको कार्यालयमा सम्पर्क गरी बाँकी ऋण चुक्ता गर्न निर्देशन दिइएको छ ।
समितिले तोकिएको समयभित्र ऋण नतिरे कानुनअनुसार कडा कारबाही प्रक्रिया अघि बढाइने तथा असुलउपर गरिने चेतावनी समेत दिएको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
.jpg)
.jpg)
प्रतिक्रिया