इरानसँग सम्झौतामा हतार नगर्ने ट्रम्पको संकेत

काठमाडौं । अमेरिकी राष्ट्रपति डोनाल्ड ट्रम्पले इरानसँग जारी वार्तामा राजनीतिक दबाबका कारण हतारमा कुनै सम्झौता नगर्ने बताएका छन्।

उनले अमेरिकाको मागअनुसार वार्ताको निष्कर्ष ननिस्किए सैन्य विकल्प प्रयोग गर्न पनि आफूहरू तयार रहेको चेतावनी दिएका छन्।

ह्वाइट हाउसमा आयोजित मन्त्रिपरिषद् बैठकमा बोल्दै राष्ट्रपति ट्रम्पले आगामी मध्यावधि चुनावलाई लिएर इरानले अमेरिकी पक्ष दबाबमा पर्ने अनुमान गरेको आरोप लगाए। उनले चुनावी परिस्थितिले आफ्नो वार्ता क्षमतामा असर नपर्ने स्पष्ट पारे।

वार्ताको प्रगतिप्रति असन्तुष्टि व्यक्त गर्दै ट्रम्पले अमेरिकी सर्त पूरा नभए आवश्यक कदम चाल्न अमेरिका पछि नहट्ने बताए। उनले इरानको सैन्य अवस्था कमजोर भइसकेको दाबी गर्दै विशेषगरी नौसेना र वायुसेनाको क्षमता घटेको टिप्पणी गरे। उनका अनुसार इरान कठिन परिस्थितिमा वार्तामा सहभागी भइरहेको छ।

यसैबीच, ह्वाइट हाउसले इरानी सञ्चारमाध्यममा आएका सम्भावित सम्झौताको मस्यौदासम्बन्धी समाचार अस्वीकार गरेको छ। इरानी सरकारी टेलिभिजनले प्रस्तावित मस्यौदामा इरान आसपासका क्षेत्रमा रहेका अमेरिकी सेना फिर्ता गर्ने तथा इरानी बन्दरगाहमाथिको नौसैनिक नाकाबन्दी हटाउने विषय समावेश रहेको दाबी गरेको थियो।

अमेरिकी प्रशासनले भने त्यस्ता विवरणमा कुनै सत्यता नभएको स्पष्ट पारेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन