सुन र चाँदीको मूल्यमा उच्च वृद्धि, सुन तोलामा ५ हजार ६ सय रुपैयाँ बढ्यो

BFIS News
2026 May 29 13:01

सुन र चाँदीको मूल्यमा उच्च वृद्धि, सुन तोलामा ५ हजार ६ सय रुपैयाँ बढ्यो

काठमाडौं । नेपाली बजारमा शुक्रबार सुन र चाँदी दुवैको मूल्य उल्लेख्य रूपमा वृद्धि भएको छ।

नेपाल सुनचाँदी व्यवसायी महासंघका अनुसार एकै दिन सुनको मूल्य प्रतितोला ५ हजार ६ सय रुपैयाँले बढेको छ भने चाँदी प्रतितोला १७५ रुपैयाँले महँगिएको छ।

महासंघका अनुसार शुक्रबार छापावाल सुन प्रतितोला २ लाख ९० हजार ६ सय रुपैयाँमा कारोबार भइरहेको छ। अघिल्लो कारोबार दिन बिहीबार सुनको मूल्य प्रतितोला २ लाख ८५ हजार रुपैयाँ कायम रहेको थियो।

त्यस्तै चाँदीको मूल्य पनि बढेर प्रतितोला ५ हजार ४० रुपैयाँ पुगेको छ। बिहीबार चाँदी प्रतितोला ४ हजार ८६५ रुपैयाँमा कारोबार भएको थियो।

अन्तर्राष्ट्रिय बजारमा बहुमूल्य धातुको मूल्य वृद्धि तथा विनिमय दरमा आएको उतारचढावका कारण स्थानीय बजारमा पनि सुनचाँदीको मूल्य प्रभावित हुने गरेको व्यवसायीहरूले बताएका छन्।