हिमालयन बैंकले नेपालमै पहिलो पटक युनियनपे आरएमबी कार्ड सञ्चालनमा ल्यायो

काठमाडौं । Himalayan Bank Limited ले चीन भ्रमण गर्ने नेपाली ग्राहकलाई लक्षित गर्दै युनियनपे आरएमबी (RMB) कार्ड सेवा सञ्चालनमा ल्याएको छ। बैंकले चीनको अन्तर्राष्ट्रिय कार्ड ब्राण्ड UnionPay International सँगको सहकार्यमा नेपालमै पहिलो पटक उक्त सेवा सुरु गरेको जनाएको छ।

बैंकका अनुसार यस कार्डमार्फत ग्राहकले चीनमा रहेका एटीएम, पीओएस, क्यूआर कोड तथा ई–कमर्स प्लेटफर्ममा चिनियाँ मुद्रा (सीएनवाई) मा नै सहज भुक्तानी गर्न सक्नेछन्। यसले चीन भ्रमण गर्ने विद्यार्थी, व्यवसायी तथा पर्यटकलाई विदेशी मुद्रा कारोबार थप सरल र मितव्ययी बनाउने अपेक्षा गरिएको छ।

नेपाल राष्ट्र बैंकले तोकेको सीमा अनुसार रकम लोड गर्न सकिने यस कार्डमार्फत युनियनपे नेटवर्कसँग आबद्ध अलिपे प्लस, विच्याट पे तथा निहाओ चाइना जस्ता क्यूआर भुक्तानी प्रणालीमा समेत सीएनवाईमै कारोबार गर्न सकिने बैंकले जनाएको छ।

काठमाडौंस्थित Kathmandu Marriott Hotel मा आयोजित कार्यक्रममा हिमालयन बैंकका प्रमुख कार्यकारी अधिकृत अशोक शम्शेर राणा र युनियनपे इन्टरनेशनलका उपाध्यक्ष ज्वाङ बेइ ले संयुक्त रूपमा कार्ड सेवाको शुभारम्भ गर्नुभएको थियो।

बैंकका अनुसार नयाँ सेवाले चीन जाने नेपाली यात्रुहरूको भुक्तानी अनुभवलाई थप सहज, सुरक्षित र प्रभावकारी बनाउने विश्वास लिइएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?