कुमारी बैंकलाई ‘इन्फोसिस फिनाकल इनोभेसन अवार्ड–२०२६’ को प्ल्याटिनम सम्मान

काठमाडौं । Kumari Bank Limited अन्तर्राष्ट्रिय स्तरको प्रतिष्ठित ‘इन्फोसिस फिनाकल इनोभेसन अवार्ड–२०२६’ अन्तर्गत व्यावसायिक मोडेल नवप्रवर्तन (Business Model Innovation) विधामा प्ल्याटिनम विजेताको रूपमा सम्मानित भएको छ।

बैंकले कार्यान्वयन गरेको ग्राहक पहिचान तथा अनुपालन (केवाईसी) प्रक्रियासम्बन्धी उल्लेखनीय पहलका लागि उक्त सम्मान प्राप्त गरेको हो।

Infosys Finacle द्वारा प्रत्येक वर्ष आयोजना गरिने यो अवार्ड कार्यक्रम विश्वभरका बैंक तथा वित्तीय संस्थाहरूले अवलम्बन गरेका उत्कृष्ट नवप्रवर्तन तथा डिजिटल रूपान्तरण अभ्यासहरूको सम्मान गर्न सञ्चालन हुँदै आएको छ।

यस वर्ष विभिन्न ९ विधामा ५०० भन्दा बढी आवेदन परेका थिए। तीमध्ये कुमारी बैंकले आफ्नो केवाईसी कार्यप्रवाह तथा अनुपालन प्रणालीमार्फत उत्कृष्ट प्रदर्शन गर्दै प्ल्याटिनम सम्मान हासिल गरेको जनाएको छ।

बैंकका अनुसार उक्त प्रणालीले ग्राहक पहिचान प्रक्रियालाई थप छरितो, सुरक्षित र प्रभावकारी बनाएको छ। साथै नियामकीय मापदण्डको पालना गर्न सहयोग पुर्‍याउनुका साथै डिजिटल प्रविधिको प्रयोगमार्फत सेवा प्रवाहलाई अझ पारदर्शी, व्यवस्थित र भरोसायोग्य बनाउन योगदान दिएको छ।

यस अन्तर्राष्ट्रिय सम्मानसँगै कुमारी बैंकले नवप्रवर्तनमार्फत सुरक्षित, भरपर्दो तथा ग्राहककेन्द्रित बैंकिङ सेवा प्रदान गर्ने आफ्नो प्रतिबद्धता थप सुदृढ भएको जनाएको छ। बैंकले आगामी दिनमा डिजिटल समाधान विस्तार गर्दै ग्राहकलाई अझ सहज, विश्वसनीय र उत्कृष्ट बैंकिङ अनुभव प्रदान गर्न निरन्तर प्रयास गर्ने प्रतिबद्धता समेत व्यक्त गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?