ऊर्जा मन्त्रालयद्वारा ११५१ हटलाइन सक्रिय, अतिरिक्त शुल्क लिएको गुनासो तत्काल जानकारी गराउन आग्रह

काठमाडौँ । Ministry of Energy, Water Resources and Irrigation ले सेवा प्रवाहमा पारदर्शिता र सुशासन सुनिश्चित गर्न सेवाग्राहीलाई अतिरिक्त शुल्क माग भए तत्काल गुनासो दर्ता गर्न आग्रह गरेको छ।

मन्त्रालयले सेवाग्राहीलाई तोकिएको शुल्कभन्दा बढी रकम माग गरिए प्रमाणसहित हटलाइन नम्बर ११५१ मा तुरुन्त जानकारी गराउन अनुरोध गरेको हो।

मन्त्री विराज भक्त श्रेष्ठले पदभार ग्रहणपछि जनगुनासोको सुनुवाइ र शीघ्र समस्या समाधानलाई मन्त्रालयको प्रमुख प्राथमिकतामा राख्दै आएको मन्त्रालयले जनाएको छ। सोही निर्देशनअनुसार सेवा प्रवाहलाई थप प्रभावकारी, पारदर्शी र जवाफदेही बनाउन पहल भइरहेको छ।

मन्त्रालयका अनुसार हटलाइन ११५१ मार्फत हालसम्म १३ हजार ८८ वटा गुनासो सम्बोधन गरिएको छ। तीमध्ये विद्युत् अवरोध (नो लाइट), ट्रान्सफर्मर बिग्रिनु, पोल तथा मिटर अभाव, र भूमिगत विद्युत् जडानसम्बन्धी समस्या प्रमुख रहेका छन्।

त्यस्तै संघीय संसद् र प्रदेशसभामा उठाइएका ऊर्जा तथा सिँचाइसम्बन्धी गुनासोलाई समेत तत्काल सम्बोधन गर्ने व्यवस्था मिलाइएको मन्त्रालयले जनाएको छ।

मन्त्रालयले सुशासन (व्यवस्थापन तथा सञ्चालन) ऐन, २०६४ अनुसार सुशासन एकाइ गठन गरी सेवा प्रवाह, कर्मचारी कार्यसम्पादन तथा सार्वजनिक स्रोत उपयोगको अनुगमन र मूल्याङ्कनलाई व्यवस्थित बनाएको छ।

सरकारी स्रोतसाधनको प्रभावकारी उपयोग र सेवा प्रवाहमा सुधार ल्याउन ‘डेलिभरीमा आधारित शासन प्रणाली’लाई प्राथमिकतामा राखिएको मन्त्रालयले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन