तनहुँमा छुट्टाछुट्टै सडक दुर्घटना : एक जनाको मृत्यु, दुई घाइते

तनहुँ, असार ८ गते । तनहुँका छुट्टाछुट्टै स्थानमा भएका सडक दुर्घटनामा परी एक जनाको मृत्यु भएको छ भने दुई जना घाइते भएका छन् ।

बन्दीपुर गाउँपालिकामा भएको टिप्पर दुर्घटनामा व्यास नगरपालिका–४ निवासी ३६ वर्षीय चालक चुनु श्रेष्ठको मृत्यु भएको जिल्ला प्रहरी कार्यालय तनहुँले जनाएको छ ।

जिल्ला प्रहरी कार्यालय तनहुँका सूचना अधिकारी प्रहरी नायब उपरीक्षक द्वारिकाप्रसाद श्रेष्ठका अनुसार बन्दीपुर गाउँपालिका–४ गुम्बास्थित भित्री सडक खण्डमा ग १ क ५४६६ नम्बरको टिप्पर नियन्त्रण गुमाएर दुर्घटना भएको थियो ।

दुर्घटनामा गम्भीर घाइते भएका चालक श्रेष्ठलाई उपचारका लागि पोखरा पठाइएको थियो । उपचारकै क्रममा आइतबार साँझ ७ः५० बजे चिकित्सकले मृत घोषणा गरेका हुन् ।

यसैगरी, पृथ्वी राजमार्गअन्तर्गत पोखरा–मुग्लिङ सडक खण्डमा भएको अर्को सवारी दुर्घटनामा दुई जना घाइते भएका छन् ।

दुर्घटनामा घाइतेमध्ये एक जनाको अवस्था मध्यम र अर्का एक जनाको अवस्था सामान्य रहेको प्रहरीले जनाएको छ । दुवै घाइतेको उपचार भइरहेको प्रहरी नायब उपरीक्षक श्रेष्ठले जानकारी दिनुभयो ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन