![$adHeader[0]['title']](https://bfisnews.com/images/bigyapan/1726536208_1712932632_Onlinearthik_1200x100.gif)
जापानको कुमामोतोमा ७.१ म्याग्निच्युडको शक्तिशाली भूकम्प, क्षतिको विवरण आउन बाँकी
- BFIS News
- 2026 Jul 28 14:44
 (3) (1).gif)
टोकियो । जापानको दक्षिण–पश्चिमी क्षेत्रमा पर्ने कुमामोतो प्रिफेक्चरमा मंगलबार ७.१ म्याग्निच्युडको शक्तिशाली भूकम्प गएको छ। भूकम्पपछि सोही क्षेत्रमा परकम्पसमेत महसुस भएको जापानका अधिकारीहरूले जनाएका छन्।
जापान मौसम विज्ञान एजेन्सीका अनुसार स्थानीय समयअनुसार मंगलबार दिउँसो ४:३५ बजे भूकम्प गएको हो। एजेन्सीले भूकम्पको तीव्रता जापानको सिस्मिक इन्टेन्सिटी स्केलमा अधिकतम ७ तहसम्म पुगेको जनाएको छ।
मुख्य भूकम्प गएको करिब चार मिनेटपछि ४.५ म्याग्निच्युडको अर्को परकम्प पनि रेकर्ड गरिएको एजेन्सीले जानकारी दिएको छ।
हालसम्म भूकम्पबाट भएको भौतिक क्षति, मानवीय हताहती वा घाइतेको विवरण सार्वजनिक भएको छैन। साथै, सुनामीको जोखिमबारे पनि आधिकारिक जानकारी आउन बाँकी रहेको छ।
जापानी अधिकारीहरूले प्रभावित क्षेत्रको अवस्था निरन्तर अनुगमन गरिरहेको जनाउँदै थप विवरण प्राप्त भएपछि सार्वजनिक गरिने बताएका छन्।
शेयर गर्नुहोस
प्रतिक्रिया दिनुहोस्
सम्बन्धित समाचार
.jpg)
प्रतिक्रिया