जगदम्बा इन्टरप्राइजेजद्वारा प्रधानमन्त्री राहत कोषमा ५१ लाख रुपैयाँ सहयोग

काठमाडौं । भोटेकोशी–त्रिशूली बाढीबाट प्रभावितको उद्धार, राहत तथा पुनर्स्थापना कार्यमा सहयोग पुर्याउने उद्देश्यले जगदम्बा इन्टरप्राइजेजले प्रधानमन्त्री दैवी प्रकोप उद्धार कोषमा ५१ लाख रुपैयाँ सहयोग गरेको छ।

जगदम्बा इन्टरप्राइजेजका निर्देशक अनिल रुङ्गटाले बुधबार अर्थमन्त्री स्वर्णिम वाग्लेलाई ५१ लाख रुपैयाँ बराबरको चेक हस्तान्तरण गर्नुभएको हो। उक्त रकम बाढी प्रभावितको उद्धार, राहत तथा पुनर्स्थापना कार्यमा उपयोग गरिने बताइएको छ।

जगदम्बा इन्टरप्राइजेजले बाढी प्रभावित क्षेत्रमा आगामी दिनमा हुने पुनर्स्थापना तथा पुनर्निर्माण कार्यमा समेत सहयोग गर्ने प्रतिबद्धता जनाएको छ। कम्पनीले आफ्ना उद्योगबाट उत्पादित निर्माण सामग्रीहरू छुटमा उपलब्ध गराउने जनाएको हो।

उद्योगको सामाजिक उत्तरदायित्वअन्तर्गत राहत, उद्धार तथा मानवीय सेवाका क्षेत्रमा सहयोग गरिएको निर्देशक रुङ्गटाले बताउनुभयो। उहाँले उक्त सहयोगले विपद्बाट प्रभावित नागरिकलाई राहत पुग्ने विश्वास व्यक्त गरे।

भोटेकोशी–त्रिशूली नदी प्रणालीमा आएको बाढीबाट विभिन्न क्षेत्रमा जनधन तथा भौतिक संरचनामा क्षति पुगेपछि प्रभावितको उद्धार, राहत र पुनर्निर्माणका लागि निजी क्षेत्र तथा विभिन्न संघसंस्थाले सहयोग गर्दै आएका छन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन