ग्लोबल आइएमई बैंकले शेयरधनीलाई तीन अर्ब ८१ करोड लाभांश दिने, चुक्ता पूँजी ३९ अर्ब ६९ करोड पुग्ने

काठमाडौं । ग्लोबल आइएमई बैंक लिमिटेडले आर्थिक वर्ष २०८२/८३ को वितरणयोग्य मुनाफाबाट शेयरधनीलाई १० प्रतिशत लाभांश वितरण गर्ने प्रस्ताव गरेको छ। बैंकले हाल कायम चुक्ता पूँजीको १० प्रतिशत लाभांश वितरण गर्ने निर्णय गरेको हो।

प्रस्तावित लाभांशमध्ये ४ प्रतिशत बोनस शेयर र ६ प्रतिशत नगद लाभांश (करसहित) रहेको बैंकले जनाएको छ। बैंकको हालको चुक्ता पूँजी ३८ अर्ब ११ करोड रुपैयाँ रहेको छ। बैंकले यस वर्ष शेयरधनीलाई कुल तीन अर्ब ८१ करोड लाभांश दिने भएको हो। जसमा एक अर्ब ५२ करोड बोनस शेयर र २ अर्ब २८ करोड नगद लाभांश रहेको छ। प्रस्तावित बोनस शेयर वितरण पश्चात बैंकको चुक्ता पूँजी बाणिज्य बैंकहरु मध्येकै सर्वाधिक धेरै ३९ अर्ब ६४ करोड पुग्नेछ। 

बैंकको भदौ १७ गते बसेको सञ्चालक समितिको ४७३औँ बैठकले आर्थिक वर्ष २०८२/८३ का लागि उक्त लाभांश प्रस्ताव गरेको हो। सञ्चालक समितिको निर्णयअनुसार बोनस शेयर र नगद लाभांश वितरण गरिनेछ।

यद्यपि, प्रस्तावित लाभांश वितरणका लागि नेपाल राष्ट्र बैंकको स्वीकृति तथा बैंकको आगामी वार्षिक साधारणसभाबाट पारित हुनुपर्नेछ। नियामकीय स्वीकृति र साधारणसभाको अनुमोदनपछि मात्रै शेयरधनीले उक्त लाभांश प्राप्त गर्नेछन्।

यसैबीच, समाचार तयार पार्दासम्म ग्लोबल आइएमई बैंकको शेयरको अन्तिम कारोबार मूल्य (एलटीपी) प्रति कित्ता २४० रुपैयाँ रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?