सुरक्षित मातृत्वसम्बन्धी विधेयक संसदमा लैजाने तयारी, आमालाई ६ महिनासम्म तलबसहितको प्रसूति बिदा

काठमाडौं । कानुन, न्याय तथा संसदीय मामिलामन्त्री सोविता गौतमले सुरक्षित मातृत्व तथा प्रजनन स्वास्थ्य अधिकारसम्बन्धी कानुन संशोधन विधेयक संसदमा पेश गर्ने तयारी भइरहेको जानकारी दिएकी छन्।

मन्त्री गौतमले सामाजिक सञ्जालमार्फत सुरक्षित मातृत्व तथा प्रजनन स्वास्थ्य अधिकार ऐन, २०७५ संशोधनका लागि विधेयक तयार भइसकेको र अब मन्त्रिपरिषद्को प्रक्रियापछि संसदमा लैजाने तयारी भइरहेको जानकारी दिएकी हुन्।

बदलिँदो जीवनशैली, व्यस्तता र कामको चापका कारण पछिल्लो समय धेरै परिवार एक वा दुई सन्तानमा सीमित भइरहेका सन्दर्भमा नवजात शिशु तथा परिवारलाई पर्याप्त समय उपलब्ध गराउनु राज्यको जिम्मेवारीसमेत भएको उनको भनाइ छ।

प्रस्तावित संशोधनमा आमालाई कम्तीमा ६ महिनासम्म तलबसहितको प्रसूति बिदा उपलब्ध गराउने व्यवस्था राखिएको छ। त्यस्तै, बुबाका लागि ४२ दिनसम्म तलबसहितको प्रसूति स्याहार बिदाको प्रस्ताव गरिएको छ।

मन्त्री गौतमका अनुसार प्रस्तावित व्यवस्थाले सुरक्षित मातृत्वसँगै अभिभावकत्वको जिम्मेवारीलाई पनि नीतिगत रूपमा सम्बोधन गर्नेछ।

उनले बच्चा जन्माउने प्रक्रिया आमासँग प्रत्यक्ष रूपमा जोडिए पनि बच्चाको पालनपोषण आमाको मात्रै जिम्मेवारी नभएको धारणा सार्वजनिक गरेकी छन्। प्रस्तावित कानुनी व्यवस्थाले आमासँगै बुबालाई पनि नवजात शिशुको हेरचाहमा समय दिन सक्ने वातावरण निर्माण गर्ने उनको भनाइ छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन