ग्लोबल आइएमई लघुवित्तले प्रस्ताव गर्‍यो ९.५ प्रतिशत लाभांश

काठमाडौं। ग्लोबल आइएमई लघुवित्त वित्तीय संस्था लिमिटेडले आर्थिक वर्ष २०८२/८३ को मुनाफाबाट शेयरधनीलाई ९.५ प्रतिशत लाभांश वितरण गर्ने प्रस्ताव गरेको छ।

असोज १२ गते बसेको संस्थाको सञ्चालक समितिको २३०औँ बैठकले हाल कायम चुक्ता पूँजी ६४ करोड ८२ लाख रुपैयाँको आधारमा लाभांश वितरण गर्ने निर्णय गरेको हो।

प्रस्तावित लाभांशमध्ये ६ प्रतिशत बोनस शेयर रहेको छ। यसको मूल्य ३ करोड ८८ लाख रुपैयाँ बराबर हुन्छ। यस्तै, ३.५ प्रतिशत नगद लाभांश, कर प्रयोजनसहित, वितरण गर्ने प्रस्ताव गरिएको छ। नगद लाभांशको रकम करिब २ करोड २६ लाख रुपैयाँ रहेको छ।

प्रस्तावित लाभांश नेपाल राष्ट्र बैंकको स्वीकृति तथा संस्थाको आगामी वार्षिक साधारण सभाबाट पारित भएपछि शेयरधनीलाई वितरण गरिनेछ।

लाभांश प्रस्तावसँगै संस्थाले चुक्ता पूँजीको केही हिस्सा बोनस शेयरमार्फत वृद्धि गर्ने भएको छ भने नगद लाभांशबाट शेयरधनीलाई प्रतिफल दिने व्यवस्था गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?