नेशनल लाइफ र कर्णाली याक्सबीच साझेदारी, एनपीएल तेस्रो सिजनका लागि आधिकारिक बीमा साझेदार

काठमाडौं । नेशनल लाइफ इन्स्योरेन्स कम्पनी लिमिटेडले नेपाल प्रिमियर लिग (एनपीएल) को तेस्रो सिजनका लागि कर्णाली याक्ससँग आधिकारिक बीमा साझेदारका रूपमा सहकार्य गर्ने भएको छ। कम्पनीले क्रिकेटप्रतिको उत्साह, खेलाडीप्रतिको विश्वास र सुरक्षित भविष्य निर्माण गर्ने साझा प्रतिबद्धतालाई अघि बढाउँदै कर्णाली याक्ससँग साझेदारी गरेको हो।

कम्पनीका अनुसार कुनै पनि सफल टोलीको आधार विश्वास, समर्पण र चुनौती सामना गर्ने क्षमतामा निहित हुन्छ। यही मान्यतालाई आत्मसात् गर्दै नेशनल लाइफ इन्स्योरेन्सले भविष्यप्रति आत्मविश्वास बढाउन र जीवनका सम्भावनालाई सुरक्षित बनाउन बीमाको महत्त्वलाई उजागर गर्न खोजेको छ।

यस साझेदारीले क्रिकेटको लोकप्रियतालाई विश्वास र वित्तीय सुरक्षाको सन्देशसँग जोड्ने अपेक्षा गरिएको छ। क्रिकेटले खेलाडी तथा समर्थकमा एकता, धैर्य र दृढताको भावना विकास गरेझैँ बीमाले पनि भविष्यप्रतिको अनिश्चिततालाई व्यवस्थापन गर्दै सुरक्षित जीवनतर्फ अघि बढ्न सहयोग पुर्‍याउँछ। त्यसैले कम्पनीले खेलकुदको उत्साहसँगै सुरक्षा, आत्मविश्वास र दीर्घकालीन सोचको सन्देश प्रवाह गर्ने लक्ष्य लिएको छ।

कर्णाली याक्ससँगको सहकार्यलाई नेशनल लाइफ इन्स्योरेन्सले खेलप्रतिको सम्मान र सम्भावनाप्रतिको विश्वास अभिव्यक्त गर्ने अवसरका रूपमा लिएको छ। दुवै पक्षको सहकार्यले क्रिकेटप्रेमीलाई प्रेरित गर्नुका साथै सुरक्षित भविष्य निर्माण गर्ने सोचलाई प्रोत्साहन गर्ने विश्वास गरिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना