बाढीले क्षतिग्रस्त देवीघाट शाखाको सेवा निरन्तरता दिन सिटिजन्स बैंकको बट्टारमा नयाँ शाखा

काठमाडौं । सिटिजन्स बैंक इन्टरनेसनल लिमिटेडले बाढीका कारण क्षतिग्रस्त भएको देवीघाट शाखाबाट प्रवाह हुँदै आएको बैंकिङ सेवालाई निरन्तरता दिन नुवाकोटको विदुर नगरपालिका–२, बट्टारमा नयाँ शाखा सञ्चालनमा ल्याएको छ ।

भदौ १० गते भोटेकोशी नदीमा आएको बाढीले बैंकको देवीघाट शाखामा क्षति पुर्‍याएपछि ग्राहकलाई सहज रूपमा बैंकिङ सेवा उपलब्ध गराउने उद्देश्यले नयाँ शाखा स्थापना गरिएको बैंकले जनाएको छ । नयाँ शाखा यसअघिको देवीघाट शाखाबाट करिब सात किलोमिटरको दूरीमा रहेको छ ।

बैंकका प्रमुख कार्यकारी अधिकृत गणेशराज पोखरेलले बट्टारस्थित नयाँ शाखाको उद्घाटन गरेका हुन् । नयाँ शाखाबाट व्यक्तिगत तथा खुद्रा बैंकिङ सेवा उपलब्ध गराउनुका साथै स्थानीय साना व्यवसायदेखि कर्पोरेट व्यवसायसम्मको वित्तीय पहुँच विस्तार गर्ने बैंकको योजना छ ।

यसैबीच, बैंकले संस्थागत सामाजिक उत्तरदायित्वअन्तर्गत बट्टार शाखामा निःशुल्क स्वास्थ्य शिविरसमेत सञ्चालन गर्ने जनाएको छ । शिविरमा मुखको क्यान्सर, मुटुसम्बन्धी रोग, मधुमेह तथा बडी मास इन्डेक्स (बीएमआई) परीक्षणको सुविधा उपलब्ध गराइनेछ ।

सिटिजन्स बैंकले हाल देशका ६१ जिल्लामा २०० शाखामार्फत सेवा प्रदान गर्दै आएको छ । बैंकले आफ्नो देशव्यापी सञ्जालमार्फत २० लाख ८० हजारभन्दा बढी ग्राहकलाई बैंकिङ सेवा उपलब्ध गराइरहेको जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?