नयाँ बिक्रेता भीमसरिया ग्रुपले सुरु गर्‍यो भेस्पा र अप्रिलिया स्कुटरको बिक्री, कति पर्छ?

काठमाडौं। भेस्पा र अप्रिलिया ब्रान्डको नयाँ बिक्रेता भीमसरिया ग्रुपले नेपालमा स्कुटर बिक्री सुरू गरेको छ। उक्त ग्रुप अन्तर्गतको डेल्टा अटोकर्प कम्पनीले भेस्पा र अप्रिलियाको बिक्री सुरू गरिएको जनाएको छ। 

यसअघि दुगड ग्रुपले भेस्पा र अप्रिलियाको बिक्री वितरण गर्दै आएको थियो। तर पछि उत्पादक कम्पनीले राम्रो सेल्स गर्न नसकेको भन्दै विकल्पका रुपमा भीमसरिया ग्रुपलाई आधिकारिक बिक्रेताको जिम्मेवारी दिएको थियो। त्यसपछि नयाँ बिक्रेता यसको सेल्स र सर्भिसिङ नेटवर्क विस्तारमा एग्रेसिभ देखिएको छ। 

कम्पनीले नयाँ धेरै डिलर र सर्भिस सेन्टरहरु पनि थपिएको जनाएको छ। यसको पुराना डिलरहरु पनि यही कम्पनीसँग रहेको जनाएको छ। 

भेस्पाका ९ वटा भेरियन्टमा स्कुटरहरु नेपाली बजारमा ल्याएको छ भने अप्रिलियाको ५ वटा भेरियन्ट बिक्री सुरु गरिएको कम्पनीले जनाएको छ। कम्पनीले १२५ सीसी र १५० सीसीका स्कुटर बिक्री गर्दै आएको छ।

नयाँ मूल्यसूची अनुसार भेस्पाको मूल्य अब नेपालमा ३ लाख २ हजारदेखि ४ लाख ४४ हजार रुपैयाँसम्म कायम भएको कम्पनीले जनाएको छ। यस्तै अप्रिलियाको २ लाख ७९ हजारदेखि ४ लाख ६५ हजार रुपैयाँसम्म निर्धारण गरिएको कम्पनीले जानकारी दिएको छ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेपालमा धेरै बिक्री हुने ब्रान्ड बजाजले ट्रायम्फको सहकार्यमा बनाएको बाइक सार्वजनिक

धेरै चार्जिङ नेटवर्क भएको सिप्रदीले थप ३ स्थानमा फाष्ट चार्जर राख्ने, नेक्सन र टियागोलाई सहज