व्याजदरको सिण्डिकेट रोकियो, साउनदेखि बैंकहरूले ब्याजदरमा प्रतिस्पर्धा गर्ने

काठमाडौं । आगामी साउनदेखि बैंकहरूले ब्याजदरमा प्रतिस्पर्धा गर्ने भएका छन्।

बैंकहरूले बिहीबार अब आ–आफ्नै आवश्यकता अनुसार ब्याजदर तोक्ने सहमति गरेका हुन्। बिहीबार बिहान बसेको नेपाल बैंकर्स एसोसिएसनको बैठकले यसअघि चलिआएको सहमतिमा ब्याजदर तोक्ने पद्धति तोड्दै आफ्नै हिसाबले तोक्ने निर्णय गरेको हो। 

बैंकिङ प्रणालीमा ४ खर्बभन्दा धेरै कर्जा लगानी योग्य पुँजी थुप्रिएपछि धेरै बैंकहरूले साउनमा निक्षेपको ब्याजदर घटाउने तयारी पनि गरिरहेका छन्। 

'अहिले तरलता सहज अवस्था पनि छ, बैंकहरू आफै‌ंले ब्याजदरको निर्णय गर्दा अस्वस्थ प्रतिस्पर्धा भएर निक्षेप सन्तुलनमा समस्या पर्ने देखिदैन,' संघका अध्यक्ष तथा एनएमबी बैंकका प्रमुख कार्यकारी अधिकृत सुनिल केसीले भने, 'बजारले पनि यही चाहेकाे थियो।'

बैंकर्स संघले केही वर्षदेखि आपसी सहमतिमा ब्याजदर निर्धारण गर्दै आइरहेका थिए। 

बैंकर्सहरूले ब्याजदर निर्धारण गर्दा अहिले पनि राष्ट्र बैंकले दिएको सीमा भने परिपालना गर्नुपर्ने अवस्था छ। 

बैंकहरूले निक्षेपको ब्याजदर परिर्वतन गर्दा अघिल्लो महिनाको सबै निक्षेपको औसत ब्याजदरमा १० प्रतिशत बिन्दुले मात्रै घटबढ गर्न सक्ने व्यवस्था छ।

असारमा बैंकहरूले निक्षेपको ब्याजदरमा कुनै परिवर्तन गरेका थिएनन्। साउनमा निक्षेपको ब्याजदर अधिकतम ८.९९ प्रतिशतसम्म हुन सक्ने देखिएको छ। 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?