![$adHeader[0]['title']](https://bfisnews.com/images/bigyapan/1726498142_960x100.gif)
सन नेपाल लाइफको बम्पर लाभांश घोषणा, २३.८० प्रतिशत बोनस शेयर पछि २७ प्रतिशत हकप्रद शेयर
- BFIS News
- 2024 Feb Sun 13:39
काठमाडौं । प्रिमियममा आइपिओ निष्काशन गरेको सन नेपाल लाइफ इन्स्योरेन्स कम्पनीले बम्पर लाभांश घोषणा गरेको छ । कम्पनीले २३.८० प्रतिशत बोनस शेयर पछि २७ प्रतिशत हकप्रद शेयर निष्काशन गर्ने प्रस्ताव गरेको छ ।
कम्पनीको फागुन ११ गते बसेको संचालक समितिको बैठकले आर्थिक वर्ष २०७९/८० को मुनाफाबाट वितरण गर्ने लाभांश प्रस्ताव गरेको हो । जस अनुसार कम्पनीले हाल कायम चुक्ता पूँजी २३.८० प्रतिशत बोनस शेयर र कर प्रयोजनको लागि १.२५२६ प्रतिशत नगद लाभांश वितरण गर्ने प्रस्ताव गरेको छ । नेपाल बीमा प्राधिकरणले स्वीकृत गरेपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ ।
कम्पनीले उक्त लाभांश वितरण पश्चात कायम हुने चुक्ता पूँजीको २७ प्रतिशत हकप्रद निष्काशन गर्ने प्रस्ताव गरेको छ । बीमा प्राधिकरणले हकप्रद स्वीकृत गरेपछि मात्रै साधारणसभामा पेश गर्न पाउने छन् । साधारणसभाले लाभांश पारित गरेपछि मात्रै शेयरधनीले पाउने छन् ।
हाल कम्पनीको चुक्ता पूँजी ३ अर्ब २० करोड छ । २३.८० प्रतिशत बोनसपछि कम्पनीको चुक्ता पूँजी ३ अर्ब ९६ करोड १६ लाख पुग्ने छ । यस पूँजीको पनि २७ प्रतिशत हकप्रद शेयर निष्काशन पछि चुक्ता पूँजी ५ अर्ब नाघ्नेछ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया