प्रभु बैंकका डेपुटी सिइओसहित १० जना पक्राउ परेपछि बैंकर्स संघले बोलायो आकस्मिक बैठक

काठमाडौं । केन्द्रीय अनुसन्धान ब्युरो सिआइबिले प्रभु बैंकका डेपुटी सिइओ मनोज न्यौपाने, सेन्चुरी बैंकका पूर्वसिइओ तुलसीराम गौतमसहित १० जनालाई पक्राउ गरेपछि बैंकर्स संघले आकस्किम बैठक बोलाएको छ।

केन्द्रीय अनुसन्धान ब्युरो (सिआइबी) ले मंगलबार धितो मूल्यांकनभन्दा ९७ करोड बढी ऋण प्रवाह गरेको आरोपमा १० जनालाई पक्राउ गरेको हो।

पक्राउ पर्ने अन्यमा राजेश भण्डारी, दिलिप बराल, सुवासबहादुर श्रेष्ठ, अनुपमा श्रेष्ठ मानन्धर, सविन घिमिरे, रमन श्रेष्ठ, दिपेश प्रधान र सुनिल बस्नेत प्रहरी हिरासतमा छन्। 

तत्कालिन सेञ्चुरी कमर्सियल बैंकबाट देउराली सहकारीका सञ्चालक रविन्द्र चौलागाईको कम्पनीहरुलाई २ अर्ब रुपैयाँबराबरको कर्जा प्रवाह गरिएको थियो। देउराली सहकारीका अध्यक्ष रविन्द्र चौलागाईं हाल पुर्पक्षको लागि थुनामा छन्। सहकारीको रकम अपचलन गरेको कसुरमा उनी थुनामा रहेका हुन्।

उनी आबद्ध कम्पनीहरू पुजा ट्रेडिङ एण्ड मार्केटिङ कम्पनी प्रालि, थ्री ब्रदर्स मार्केटिङ प्रालि, पुजा मार्केटिङ प्रालि र अन्नपूर्ण डिष्टिलरी प्रालिलाई कर्जा प्रवाह गर्दा धितो स्‍वरूप बैंकमा कर्जा सुरक्षण बापत राखिने धितोको मूल्यांकनभन्दा बढी ऋण प्रवाह गरेको पाइएको हो।

सिआइबीका अनुसार धितोको मूल्यांकन एक अर्ब १४ करोड २३ लाख ८४ हजार २५८ रुपैयाँ थियो। तर कर्जा स्वरूप दुई अर्ब ११ करोड ६५ लाख ५५ हजार ७३१ रुपैयाँ प्रवाह भएको अनुसन्धानमा देखिए छ।

आज संघले सबै बैंकरलाई आकस्मिक बैठकमा बोलाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन