![$adHeader[0]['title']](https://bfisnews.com/images/bigyapan/1726498142_960x100.gif)
हिमालयन रिका रामामुर्थीले जादा जादै लगेका थिए ५ करोड ३३ लाख तलब भत्ता !
- BFIS News
- 2024 Mar Sat 10:21
काठमाडौं । हिमालयन रिइन्स्योरेन्स कम्पनीले गत आर्थिक वर्ष २०७९/८० मा प्रमुख कार्यकारी अधिकृतलाई ५ करोड ३३ लाख ४२ हजार ६२६ रुपैयाँ तलब भत्ता लगायतको सुविधा प्रदान गरेको छ । यस अवधिमा कम्पनीको प्रमुख कार्यकारी अधिकृत थिए भारतीय नागरिक चन्द्रशेखरन रामामुर्थी । रामामुर्थी २०८० असोजमा बाहिरिएका थिए । उनि बाहिरिए सँगै कम्पनीको प्रमुख कार्यकारी अधिकृतको जिम्मेवारी उपासना पौडेलले सम्हालदै आएकी छिन् ।
उक्त तलब भत्ता उपसनाको नाममा एक रुपैयाँ पनि गएको छैन । उपासनाले २०८० असोज १४ गतेदेखि मात्रै प्रमुख कार्यकारी अधिकृतको जिम्मेवारी सम्हालेकी हुन् ।
अवकास हुँदै गर्दा उनले कर्मचारी बोनस तथा नियम अनुसार विभिन्न अलाउन्सेस समेत गरेर उक्त रकम प्राप्त गरेका हुन् । यसले गर्दा गत आर्थिक वर्षमा प्रमुख कार्यकारी अधिकृतलाई भुक्तानी गरिएको रकम धेरै देखिएको हो ।
कम्पनीले यस भन्दा अघिल्लो आर्थिक वर्ष २०७८/७९ मा सिइओलाई २ करोड ८७ लाख ३५ हजार रुपैयाँ सेवा सुविधा उपलब्ध गराएको थियो । तर गत आर्थिक वर्षमा भने वार्षिक तलब भत्ता मात्रै ३ करोड २२ लाख रुपैयाँ उपलब्ध गराइएको छ । त्यस्तै नियम अनुसारको कर्मचारी बोनस रकम एक करोड २९ लाख रुपैयाँ दिइएको छ । हिमालयन रिइन्स्योरेन्समा कर्मचारी संख्या एकदमै न्युन हुने भएकाले मुनाफाबाट प्राप्त हुने बोनस रकम पनि आकर्षक रहेको छ ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया