लाभांश वितरण गर्दै ग्रीन डेभलपमेन्ट बैंक

काठमाडौं । ग्रीन डेभलपमेन्ट बैंकले साधारणसभा बोलाएको छ। बैंकले दुई आर्थिक वर्ष २०७८/०७९ र २०७९/०८० को वार्षिक साधारणसभा बोलाएको हो।

चैत २७ गते सभा मेजेस्टिक लेक फ्रन्ट एन्ड सुइट पोखरामा हुने साधारण सभामा लाभांश वितरण गर्ने प्रस्ताव पेस हुनेछ। शेयरधनीलाई ३.८५ बोनस शेयर र कर प्रयोजनका लागि ०.२०५ नगद लाभांश वितरण गर्ने प्रस्ताव पेस हुनेछ।

यसैगरी सभामा दुई आर्थिक वर्षको वार्षिक प्रतिवेदन, नाफा-नोक्सान हिसाब, नगद प्रवाहलगायतका विषय पनि पेश हुनेछन्। सभाबाट सञ्चालक समितिमा प्रतिनिधित्व गर्न सर्वसाधारण समूहबाट दुईजना सञ्चालकको नियुक्ति अनुमोदन गर्ने र संस्थापक समूहबाट तीनजना सञ्चालकको निर्वाचन गर्ने प्रस्ताव हुनेछ।

त्यसैगरी, अन्य कुनै बैंक तथा वित्तीय संस्थासँग मर्जर वा एक्विजिसन गर्नका लागि त्यसको सम्पूर्ण कामको अख्तियारी सञ्चालक समितिलाई प्रदान गर्ने प्रस्ताव पनि पेस हुनेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?