एनएमबी बैंकको ७ प्रतिशत नगद लाभांश घोषणा, शेयरधनीले १ अर्ब ३४ करोड रुपैयाँ पाउने

काठमाडौं । एनएमबी बैंक लिमिटेडले आर्थिक वर्ष २०८२/८३ को नाफाबाट शेयरधनीलाई ७ प्रतिशत नगद लाभांश वितरण गर्ने प्रस्ताव गरेको छ।

बैंकको असोज २१ गते बसेको ५१७औँ सञ्चालक समिति बैठकले चुक्ता पुँजीको आधारमा ७ प्रतिशत नगद लाभांश वितरण गर्ने प्रस्ताव गरेको हो। प्रस्तावित लाभांशमा करसमेत समावेश छ।

हाल बैंकको चुक्ता पुँजी १९ अर्ब २८ करोड रुपैयाँ रहेको छ। सोही चुक्ता पुँजीको ७ प्रतिशतका दरले १ अर्ब ३४ करोड रुपैयाँ बराबरको नगद लाभांश वितरण गर्ने प्रस्ताव गरिएको बैंकले जनाएको छ।

त्यसैगरी, बैंकले प्रिफरेन्स शेयरधनीका लागि ८.२५ प्रतिशत नगद लाभांश वितरण गर्ने प्रस्ताव गरेको छ। प्रिफरेन्स शेयरतर्फ प्रस्तावित लाभांश रकम १२ करोड २० लाख रुपैयाँ रहेको छ।

प्रस्तावित लाभांश वितरणका लागि नेपाल राष्ट्र बैंकको स्वीकृति तथा बैंकको आगामी वार्षिक साधारणसभाबाट पारित हुनुपर्नेछ। नियामकीय स्वीकृति र साधारणसभाबाट अनुमोदन भएपछि मात्रै लाभांश वितरण हुनेछ।

बिहीबार लेख्दासम्म एनएमबी बैंकको अन्तिम कारोबार मूल्य (एलटीपी) प्रतिकित्ता २५५ रुपैयाँ २० पैसा रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन